იუსტიციის სახლი - ეს არის ერთი სახლი, ერთი შენობა, რომლის ფარგლებშიც მოქცეულია სახელმწიფო სერვისების დიდი უმრავლესობა. მისი მიზანია იმ დოკუმენტების გაცემა და მომსახურებების განხორციელება, რომელზეც მხოლოდ სახელმწიფოს აქვს ექსკლუზიური უფლება. შეუძლებელია, ისეთი მნიშვნელოვანი და აუცილებელი დოკუმენტები, როგორებიცაა დაბადებისა და პირადობის მოწმობა, პასპორტი თუ ქორწინების მოწმობა, მივიღოთ სხვა ნებისმიერი მხარისაგან, გარდა სახელმწიფოსი. შესაბამისად, სახელმწიფოს თავისი მოქალაქეების მიმართ აქვს ისეთი ვალდებულება, რომლის სწრაფად და ეფექტურად განხორციელება მათ ცხოვრების მნიშვნელოვან გამარტივებას იწვევს.